فرح الحلقة الثالثة
و هو قاعد يشرب الكاس ورا خوه جات وحدة تتمعجن من غادي قعدت بجنبو عاللخر قريب تقعد في حجرو و الشي الكل على برا المعري اكثر من المغطي و راحتها الكل شراب و هم ضاهر فاش كانت تعمل تتشقنيس تسخاب صوتها sexy و هي تقول دجاجة مذبوحة قتلو "محلاك و محلا عينيك" تبزنيس فيه عيني عينك تقول عزري مغزرلهاش اصل و قال تو تفهم و تهز روحا و تمشي لكن هي شي اصلا النوع هذا يكبش و القدر ميكسابوهوش زادت قربتلو و حطت يديها على سقيه و عاودت تكلمت "مسخنها هنا ياخي مسخنتش.. شرايك كان نمشيو نبدلو الجو" غزرلها هزها و خطها و بعدلها يديها بنطرة و قعد يقحرلها واش يكرههم هالانواع قلها بنطرة "برا ارجع منين جيت " تنبزيت و قتلو " انتي الخاسر " و عودت غزرتلو وحلت عينيها و تبسمت و قاتلو "تي ماو قول ملول قاطوس سيعا ضاهر ماليان.. كان معنديكش خلص في وقت اخر" زاد تقزز منها و طارتلو قام و مد سطوشو رما علاها 200 دينار رغملي اغلى منها و خرج طار بكرهبتو للفيلا متاعو محبش يروح لدار بوه خاطر عارف باش يعرف لي هو روح سكران قعد في الصالة و مد دبوسة ويسكي وتاح يشرب راسو باش يترشق مالتخمام تذكر الطفلة متاع بكري و هو يخمم في ليليا قال في مخو لي متحبش تعرف تنجم تطلع كيفها زادا فوق الكل هو ما يعرف علاها شي الاحتمالات الكل الموجودين صحيح لاباس عليهم اما حتى لى لاباس اعليهم موش نقصين يفسدو و يشربو و يعملو لي يحبو عليه و حد ما شاف مخو يهز فيه و يجيب كي تذكر لي هي كانت مضروبة فيه قبال يعني هي راي فرحانة لي بش تعرس بيه و يمكن ياسر هذي فكرتها هي إلي كلمت بوها زاد نقم عليها و عافها ستغفر مولاه و كركر روحو لبيتو و رقد.
تعليقات
إرسال تعليق