فرح الحلقة الرابعة

فرح الحلقة الرابعة

نهار جديد بالنسبة لوائل كأنو جحيم قام كرايمو مدقدقة رقبتو توجع فيه على خاطرو راقد في نفس الposition ليلة كاملة متحركش و زيد بدبشو و فوق الكل راسو باش يتكسر من الشرب قام شرب كاس عصير معاه زوز مهدأت قبل ما كرشو دور عليه و يولي يرد مشا عمل دوش خرج مالدوش بالبشكير كلم البون باش كي يخرج تجي تليم الدار و مشا باش يلبس و يمشي للشريكة قبل ما يمشي يقابل ليليا. في الوقت اذاكا قامت ليليا بالنسبة ليها كل نهار جديد تقوملو في فوما و سير تو انو هي الفرحة موش طايقتها حاسة كانها تحلم البسمة مرسومة في فمها مفرقتهاش اليوم باش تقابل وائل باش يحكيو و يتعرفو على بعضهم قامت طول باش تحضر روحها بالقدة دخلت عملت دوش و جبدت شعرها و حالت الدريسينق و لهنا كانت المشكلة رغم الدبش اللي عندها ما قنعها حتى شي موخها يخدم زعما وائل شنوا يعجبو زعما نلبس هاذي - لا لا هاذي ياسر formal تقول ماشية للشريكة معا بابا - هممم مالا هاذي اما موش تحسها اكثر من الازم موش تع خرجة متع قهوة - هاذي تحسها sexy زعما تعجبو و عضيت شفتها - لا لا اصلا عمري ملبستها و تو يقول هاذي ما شيا لبواطا - لحظة لحظة و كي يهزنا نفطرو على البحر كيما فالمسلسل البارح - لا عاد اسكت قالو مسلسل. كانت تحكي معا روحها tellement باش تهبل موش عرفا شتلبس و بعد حكاية قرن من التخمام قررت تلبس روب في الروج بوردو طالون في النوار معاه بوشات نوار طلعت تقتل مع ترف مكياج و روج في فمها طلعت تهبل كيما العادة هزت تاليفونها و حطت فلوس في البوشات و سكرت مونقلتها و هي هابطة في الدروج بوها قلها لي هوا باش يجيها الصباح يهزها يفطرو و منو يتعرفو على بعضهم هي اكاكا و يجيها ميساج تلقاه من نومرو inconnue فيها كلمة بركا "اخرج" مركزيتش مع الميساج عرفتو طول اصلا بوها قلها تو يطلبيك عطيتو نومرو و ليلة كاملة ستنات تليفونو رغملي مطلبهاش فرحتها ما فسدتش خرجت البرا تلقاه راكب في كرهبة